Vegana.gal, feira para un mundo sen especismo
Falta de espazos de reflexión crítica sobre o antiespecismo
Segundo estudos de Greenpeace, a superficie total utilizada para alimentar o gando equivale aproximadamente ao 26 % da superficie terrestre, o que supón o 80 % do espazo destinado á actividade agrícola, responsable tamén da meirande parte da deforestación mundial.
A pesar do crecemento do interese polo veganismo, seguen faltando espazos accesibles, plurais e públicos de reflexión crítica sobre a nosa relación co resto dos animais e co planeta. Os discursos especistas permanecen totalmente normalizados, mesmo en contextos culturais e educativos. Estudos recentes indican que a divulgación baseada na ciencia e no contacto con persoas activistas facilita cambios de percepción e acción.
Neste contexto nace Vegana.gal, unha feira única en Galicia que busca cubrir esa carencia creando un espazo diverso, vivo e comprometido, onde se entrelazan saberes científicos, éticos, políticos e sociais.
La peligrosa intensificación de la ganadería. Greenpeace. La ganadería industrial está destruyendo el planeta. Greenpeace Preguntas y respuestas sobre la carcinogenicidad del consumo de carne roja y de la carne procesada. OMS España se coloca entre los 10 países más vegetarianos del mundo Aumenta en un 6000% el número de vegetarianos en Galicia en una décadaActivismo e coidado: cara a unha conciencia ampliada
Vegana.gal aposta por un modelo que combina divulgación, coidado e comunidade.
A partir de datos que evidencian a crise ecolóxica e social, propón un espazo para analizar causas, explorar solucións e activar reflexións críticas e colectivas. As intervencións de filósofas, científicas, nutricionistas, representantes políticas e activistas abordan o veganismo desde múltiples enfoques, unindo pensamento académico, evidencia científica e saber empírico.
A comida, eixo vital da cultura galega, preséntase tamén como ferramenta política: un acto diario co que avanzar cara a un mundo máis xusto. Desde a horizontalidade, Vegana.gal constrúe conciencia e representa un exemplo vivo de activismo cultural feito con rigor, paixón e coherencia.
Un fogar galego para celebrar, conectar e transformar
Vegana.gal non é só unha feira, senón unha celebración colectiva que convida a repensar o mundo con responsabilidade e perspectiva antiespecista, facendo da cultura, a reflexión e a acción ferramentas de cambio. Cada edición ofrece unha coidada programación de parladoiros con filósofas, activistas, científicas e nutricionistas; unha lareira con demostracións culinarias, presentacións de libros, arte, espazos infantís, punto nutricional, unha taberna vexetal e máis de 100 casetas expositoras nun gran campo da festa. Para facer posible este evento, con moitos custos asociados, establécese unha entrada a prezo simbólico que permite acceder e gozar de todas as actividades no interior do recinto.
Reivindicamos Galicia como fogar e terra rica en recursos naturais e potencia transformadora. Un territorio que, se o coidamos con respecto pode avanzar cara a un modelo sostible, xusto e inclusivo para todas as especies. Ao tempo, recoñecemos o labor de iniciativas que impulsan o cambio do local ao internacional.
Construída desde a ilusión, a empatía e sempre en positivo, a boa resposta do público e dos medios demostra que outro mundo é urxente, mais tamén posible.
Nova na TVG Nova en Metropolitano.gal Nova en La Voz de Galicia Nova en La Vanguardia Dossier fotográfico