Construíndo alternativas ecofeministas
Este proxecto ecofeminista procura unir as miradas de distintas persoas na defensa das mulleres, animais e da terra, para construir novos imaxinarios que nos representen. conseguímolo a través de compartir procesos creativos e reflexións ecofeministas de cada persoa participantes, finalizando a experiencia cunha charla da experta en ecofeminismos Charo Morán. O resultado foi atopar e visibilizar recursos sinxelos para construír imaxinarios que nos representan.
Ecofeminismo: Alternativas para un futuro xusto e sostible
O ecofeminismo xorde como resposta ás interconexións entre a opresión de xénero e a degradación do medio ambiente, recoñecendo que tanto as mulleres como a natureza son históricamente subxugadas e explotadas. Na actualidade, o cambio climático é unha das maiores ameazas para o planeta e as comunidades vulnerables, sendo as mulleres quen conceden maior atención aos problemas ambientais (RED2RED, 2020).
O cambio climático non afecta ás persoas por igual: as mulleres (especialmente en países en desenvolvemento), son particularmente vulnerables dada a súa maior dependencia dos recursos naturais para a subsistencia, e o limitado acceso a dereitos e recursos económicos.
O 80% de refuxiados climáticos son mulleres, sendo elas as mais prexudicadas polas temperaturas extremas e os desastres naturais. As perspectivas de futuro indican que a situación empeorará. (Willem, 2019).
Según Puleo (2011), o ecofeminismo promove unha relación de respeto e coidado cara o entorno natural, e procura cuestionar e transformar as estruturas patriarcais e capitalistas. As alternativas ecofeministas céntranse na construción de sociedades máis xustas, sostibles e equitativas, a través de:
- Xustiza climática feminista: Loita pola mitigación e adaptación ao cambio climático dende a perspectiva de xénero e xustiza social. As mulleres son axentes clave e promove a súa participación activa na toma de decisións.
- Movementos de resistencia e defensa territorial liderados por mulleres: As mulleres organízanse para protexer os seus territorios, cultura e forma de vida, defendendo os dereitos humanos e a preservación dos ecosistemas.
O ecofeminismo convídanos a repensar as nosas formas de relacionarnos coa contorna natural e entre nós, recoñecendo a interdependencia entre as loitas pola xustiza de xénero e a xustiza ambiental. A través destas alternativas, podemos construír un presente e futuro máis digno para as persoas e para o planeta.
Transformación social mediante a arte
A arte é unha poderosa ferramenta para promover a conciencia e o cambio social. Nesta experiencia, a arte permite explorar e cuestionarnos as estruturas patriarcais e capitalistas, que perpetúan desigualdades e danos á natureza.
As expresións artísticas poden despertar empatía, sensibilidade e fomentar a reflexión crítica. Ademáis, a arte é unha plataforma para amplificar voces das comunidades afectadas polo cambio climático e as inxustizas sociais.
A arte, por sí soa, non pode lograr cambios substanciais. Debe estar respaldada por accións concretas e políticas transformadoras. A arte pode ser un catalizador, pero precisamos traducir a inspiración en medidas tanxibles. Estas poden ser desde pequenos hábitos individuais ata movementos sociais. A combinación da expresión artística coa movilización social e os cambios estruturais permítenos avanzar cara un futuro máis inclusivo, sostible e digno, tal e como promove o ecofeminismo.
Encontro ecofeminismo e arte
Animamos ás persoas a participar nun encontro de ecofeminismo e arte cunha obra artística (escultura, fotografía, pintura, video, ...). Este encontro realízase na Morada, unha cooperativa feminista en Vigo.
O obxectivo é compartir os procesos de creación e reflexionar xuntas sobre temas que nos atravesan, como a xustiza social, o cambio climático ou o feminismo. Ademais, convidamos a Charo Morán, especialista en educación ambiental, educación para a transformación social e ecofeminismos, para acompañarnos a fundamentar e xerar novas visións.
O encontro difundiuse por redes sociais a través de cartaces.
Cartaz charla Cartaz Convite
