Apoio nai a nai para o embarazo, lactación e crianza
Obstáculos para a lactación materna: saúde pública e dereitos
A pesar das recomendacións da OMS e dos beneficios demostrados da lactación materna para a saúde de nais e crianzas, moitas mulleres abandonan esta práctica antes do desexado. Diversos estudos sinalan que a falta de apoio especializado, as dificultades para conciliar a vida laboral e familiar, a presión social, a desinformación e a normalización dos sucedáneos do leite materno constitúen obstáculos importantes para o mantemento da lactación.
A violencia obstétrica e a insuficiente formación en lactación de parte dos profesionais sanitarios tamén condicionan a experiencia de moitas nais e dificultan o acceso a información e acompañamento adecuados. Segundo diferentes investigacións, máis do 60 % das nais abandonan a lactación antes do previsto ao reincorporarse ao traballo, nun contexto no que os permisos actuais resultan insuficientes para cumprir coa recomendación de seis meses de lactación materna exclusiva establecida pola OMS.
En Ourense, o 90,7 % das mulleres embarazadas manifesta a intención de amamantar, pero esta porcentaxe descende ao 37 % aos tres meses do parto e non chega ao 30 % aos seis meses, situándose entre as taxas máis baixas de Galicia e xerando importantes repercusións sanitarias, sociais e económicas.
Informe lactancia 2025 Informe lactancia 2023 Promover la lactancia materna para el bienestar de madres e hijos Lactancia materna y violencia obstétrica, la soberanía lactante amenazada Las madres españolas desearían prolongar su lactancia, pero el escaso permiso de maternidad y los problemas de conciliación se lo impidenA lactación tamén é unha responsabilidade colectiva
A lactación materna non depende unicamente da vontade ou do esforzo das nais. Os datos amosan que existen factores sanitarios, sociais e laborais que condicionan de maneira decisiva a súa continuidade. A falta de formación específica en lactación de parte dos profesionais sanitarios, as prácticas de violencia obstétrica e a insuficiencia das medidas de conciliación dificultan que moitas familias poidan desenvolver a lactación do xeito que desexan.
Resulta necesario avanzar cara a un modelo que garanta unha atención sanitaria respectuosa, baseada na evidencia científica e no acompañamento adecuado ás nais e ás crianzas. Do mesmo xeito, as políticas públicas deben favorecer a conciliación e o coidado durante os primeiros meses de vida, de acordo coas recomendacións dos organismos internacionais de saúde.
Promover a lactación materna implica tamén construír unha sociedade que respecte as decisións das familias, ofreza recursos suficientes e recoñeza os coidados como unha responsabilidade colectiva vinculada á saúde pública, aos dereitos da infancia e ao benestar común.
Promover la lactancia materna para el bienestar de madres e hijos La OMS y el UNICEF publican nuevas directrices para promover la lactancia materna en los establecimientos de salud de todo el mundoCreamos unha rede de apoio nai a nai para as familias
Para responder ás dificultades que moitas familias atopan durante o embarazo, a lactación e a crianza, puxemos en marcha en Ourense un grupo de apoio nai a nai baseado no acompañamento, a información rigorosa e a creación de comunidade.
A través de reunións semanais, asesoramento individualizado e atención continuada, ofrecemos un espazo seguro onde compartir experiencias, resolver dúbidas e recibir apoio emocional. Ademais, facilitamos recursos prácticos como o préstamo de libros e extractores de leite, a difusión de materiais informativos e a orientación cara a profesionais especializados.
Tras máis dunha década de actividade, a iniciativa acompañou a máis de 2.000 familias e contribuíu á creación dunha sólida rede de apoio arredor da maternidade e da crianza. Xunto ao labor de acompañamento, desenvolvemos actividades de sensibilización e incidencia social para defender os dereitos das nais e das crianzas e promover unha atención sanitaria e social máis respectuosa.
Nova Faro de Vigo: «O dereito a traballar e o dereito a amamantar poden e deben coexistir» Nova Faro de Vigo: Una tetada grupal para visibilizar la lactancia materna: “Todavía no existe un apoyo real” Nova Faro de Vigo: El peligro en el hospital Materno Infantil de Ourense tras un nuevo derrumbe empuja al Sergas a trasladar los servicios Nova Faro de Vigo: Lactancia materna: el vínculo que nutre y que requiere apoyos «sen prexuízos» Nova Ourense Xa: “Non imos permitir un traslado que non garanta os dereitos das nais” Nova El Salto Galiza: Beatriz Avelaira: “Violencia obstétrica é violencia machista á que se suma unha mala praxe médica” Nova Faro de Vigo: Un homenaje a ellas: teta, plaza, azada, emprendimiento... y "caldo en la nevera" Dossier fotográfico