BagsUp: Segunda vida para materiais e persoas.
Taller de suprareciclaxe no que persoas en risco de exclusión social transforman lonas publicitarias de PVC altamente contaminantes, en mochilas e bolsas artesanais únicos, xerando oportunidades sociais e ambientais.
web Asociación Érguete | instagram Érguete | facebook Érguete
BagsUp, unha segunda oportunidade para os materiais e sobre todo para as persoas
A industria téxtil e o uso masivo de materiais plásticos non degradables xeran un grave problema global. As lonas publicitarias de PVC tardan ata centos de anos en descompoñerse, acumulándose en vertedoiros e liberando microplásticos e toxinas que contaminan o solo e a auga.
Ao mesmo tempo, as persoas en situación de vulnerabilidade ou risco de exclusión social a consecuencia de procesos de adicción, vulnerabilidade económica ou medidas xudiciais atopan barreiras estruturais severas para acceder ao mercado laboral formal. A falta de formación técnica adaptada e de oportunidades iniciais xera un círculo de exclusión difícil de romper.
Ante esta realidade, a economía circular e os procesos de capacitación comunitaria aparecen coma ferramentas capaces de reducir residuos e crear oportunidades de inclusión social e laboral.
Nova: Los microplásticos de la ría de Vigo se concentran en Samil y Canido Nova: «Los microplásticos son como una lluvia menuda que nos acaba mojando» Nova: 15.300 paus de batea recollidos en tres días: o plástico contamina as praias galegas Nova: Ese Vigo que se consume por las callesContaminación física e ambiental, un problema que non se soluciona
Hai xa máis de 40 anos que unhas nais descubriron que os seus fillos consumían drogas. Non sabían o que era. Da procura colectiva de respostas naceu a Asociación Érguete no 85 e hoxe, 40 anos despois, seguen aquí. Elas abriron un camiño que cambiou a sociedade. Elas denunciaron aos narcotraficantes, sinalaron os bares e as persoas que vendían droga, loitaron nas rúas e nos despachos, e, tamén, gañaron dereitos para as persoas con problemas de adiccións. Elas marcaron o camiño e as solucións dunha loita que hoxe continúa.
Esta experiencia permitiu reflexionar sobre como os problemas vinculados ás adiccións evolucionan e se transforman co tempo. Hoxe detectamos novos perfís e necesidades: mocidade exposta a adiccións con e sen substancia nun contexto de maior accesibilidade e normalización do consumo, así como persoas maiores que afrontan situacións de soidade, deterioro da saúde e perda de redes de apoio.
Ao mesmo tempo, observamos que moitas das respostas seguen recaendo excesivamente na responsabilidade individual cando existen causas estruturais vinculadas ás desigualdades sociais, á falta de oportunidades e á escaseza de recursos especializados.
Neste contexto, iniciativas como BagsUp levan a preguntarnos como crear espazos que combinen acompañamento, participación e novas oportunidades para as persoas e para o seu entorno.
Nova: A Asociación Érguete e as súas nais fundadoras lembran que 40 anos despois o narcotraficante e as drogas continúan a matar e advirte de que as cidades galegas están a vivir un repunte do consumoBagsUp, máquinas de coser contra as adiccións
Unha marca de artesanía reciclada que debuxa unha vida nova, unha segunda oportunidade. Este é o obxectivo principal de BagsUp, o proxecto da Asociación Érguete e de La Canalla. É un espazo seguro para as nosas persoas usuarias e as súas familias no que recuperar hábitos e autoestima, romper estigmas e ver que o que crean ten calidade e é útil para a sociedade. Esta marca é, en definitiva, unha segunda oportunidade para obxectos e persoas.
Tamén é un espazo seguro para as nosas persoas usuarias e as súas familias no que recuperar hábitos e autoestima, romper estigmas e ver que o que crean ten calidade e é útil para a sociedade. Esta marca é, en definitiva, unha segunda oportunidade para obxectos e persoas.
Nova: Máquinas de coser contra las drogas Nova: 'BagsUp': El supraciclaje de Érguete que da segundas oportunidades a materiales y personas Nova: Érguete convierte lonas usadas en bolsos y mochilas para dar una segunda oportunidad a materiales y personas Dossier fotográfico