Que é?
O GLOBO é unha ferramenta para a promoción da cidadanía global iniciativa da ONGD Solidariedade Internacional de Galicia. O GLOBO alberga e impulsa micro-experiencias de transformación social e espazos de intercambio para compartilas e trasladalas á sociedade.
Un espazo físico
Un encontro anual onde os centros de ensino, as ONGs, e outras entidades, intercambian aprendizaxes, reflexionan e constrúen cidadanía global.
Un espazo web
Onde compartir as micro-experiencias de transformación social, atopar información de utilidade, boas prácticas e recursos didácticos.
Como é?
O GLOBO servirá para formarse nos coñecementos, habilidades e valores necesarios para a cidadanía global.
Coñecementos
- Xustiza social e equidade.
- Comprensión das desigualdades e inxustizas sociais.
- Comprensión das interrelacións Norte-Sur.
- Comprensión da propia identidade e das diversidades nas sociedades.
- Comprender as nosas responsabilida-des como cidadáns e cidadás globais.
- Coñecer o poder e como reverter situacións a través da participación e a incidencia.
- Coñecer as desigualdades de xénero e como producir cambios para a igualdade.
- Coñecer a natureza dos conflitos e como manexalos construtivamente.
Habilidades/destrezas
- Capacidade de argumentar e chegar a acordos / compromisos.
- Capacidade de exercer liderado.
- Capacidade de resolución de conflitos.
- Capacidade de colaborar con outras persoas.
- Capacidade de escoitar, ter voz e deliberar.
- Capacidade de imaxinar e crear proxectos para o ben común.
Actitudes/valores
- Respecto e coñecemento do entorno.
- Empatía.
- Solidariedade.
- Identidade e autoestima.
- Vontade de convivir coas diferenzas e resolver conflitos.
- Conciencia crítica.
- Compromiso social.
- Optimismo cara a transformación social.
Para que é?
O GLOBO busca a transformación social:
A conciencia crítica
Fórmulas para analizar a realidade, proxectar outros mundos posibles e pasar a acción.
O compromiso social
con realidades próximas e concretas, indo do local ao global. Sabendo que os nosos actos teñen consecuencias.
A incidencia social e política
Espazo de participación cidadá e de comunicación cara á sociedade.
Colaboración en rede
para coñecer os problemas de primeira man, colaborando con universidades e especialistas.
O desenvolvemento de competencias
Habilidades participativas e outras propias do currículum do ensino regrado.
Como participar
Os obxectivos d‘O GLOBO pódense resumir en tres: coñecer, reflexionar e transformar e estes tres obxectivos correspóndense a tres fases de participación: luces, cámara... e acción!
1. Luces...
- Exemplos de motivacións – situacións Da «nosa» situación pasamos a «outras» similares. Porque o local tamén é global
- Exemplos de realidades (nosas ou de outras) Quen participa? Fixámonos en quen intervén desta realidade e recollemos todos os puntos de vista
- Papeis dos diversos axentes (persoas expertas, universidades, centros de estudo...)
Na práctica. Definimos a situación axudándonos de entrevistas, vídeos, audios, imaxes... que enriquezan a presentación.
2. Cámara...
Na práctica. Círculos de lectura crítica dos medios. Modelos-fichas: A reflexión crítica, O futuro desexado, Accións a desenvolver...
3. ...Acción!
Na práctica. Buscamos a transformación social. Para iso concretamos as accións e os pasos que damos. Facemos balance dos resultados.
Como facer que o globo
colla altura?
Visibilizando e recoñecendo as partes implicadas
(o grupo motor que puxo en marcha a iniciativa e tamén persoas colaboradoras, expertas...)
Buscando impactos visibles
e presentados de xeito «atractivo» Unha iniciativa ten capacidade REAL de transformación.
Facilitando o traballo do profesorado con persoas expertas
(formadoras en materias de comunicación, vídeo...), recursos áxiles e divertidos...
O PRISMA
Do GLOBO forma parte O PRISMA: comisión aberta de contraste e seguimento das accións do GLOBO. A vocación interdisciplinaria d ́O GLOBO e a necesaria implicación da comunidade educativa precisan dun espazo onde se poidan debater contidos, metodoloxías e funcionamento e propoñer accións organizativas e de mellora.
Convidarase a involucrarse no PRISMA a profesorado (principalmente de secundaria), persoal investigador, entidades e iniciativas afíns e e medios de comunicación. Fará reunións periódicas.