21 marzo 2025 | Tras unha tempada sen reunirse, e conscientes da importancia de facelo para continuar fortalecendo a capacidade de transformación social de O Globo, O Prisma volverá a atoparse o vindeiro venres, 28 de marzo ás 17:30 horas en Santiago de Compostela, na nova sede da Coordinadora Galega de ONGD (Rúa República do Salvador, 3-2º).

O encontro estará centrado en facer un balance dos últimos seis anos de traxectoria de O Globo: que aprendizaxes acumulamos, que retos afrontamos e en que medida conseguimos ser ese observatorio, espazo e escola de participación social ao que aspiramos. Mais, sobre todo, será unha oportunidade para que entre todas poidamos marcar os obxectivos e prioridades que deben guiar os próximos anos do proxecto.